dada

Por oitava vez, un buque veu do Gran Sol con toneladas de Xoubas frescas listas para vender. Aínda coa resaca da Ascensión e o regusto a pogo do concerto de Emir Kusturica, e sacrificando as tan esperadas tardes de sol para saír pescar, traémosvos unha hora do mellor do peor cine, sexo duro e sen compasión, amosamos as goteiras do sistema xudicial ianqui, e como plato principal, unhas boas cocochas: entrevistaremos aos mesmísimos Han Solo e Chewbacca, que veñen de visita ao noso planeta.

Novena edición de Xoubas, o programa que máis cheira a peixe da radio minoritaria. Neste programa entrevistamos Pelegrín, o entrañable icono do Camiño de Santiago. Tamén contamos coa presenza da nosa sexóloga e mamporreira en ratos libre, Raquel, e recuperaremos a nosa sección de cine bizarro, para contemplar ata que punto hai xente que non debería ter unha cámara, e coma sempre os premios IgNobel. Inauguramos, paralelamente, unha seccion adicada aos Premios Stella, que se otorgan aos peores erros xudiciais dos EEUU.